KOM BEREIK NUWE HOOGTES IN JOU GEESTELIKE LEWE
ONS IS ‘N GEESTELIKE HUIS VIR JONGMENSE EN ALLE FAMILIES!
NHK Gemeente Krugersdorp-Oos is gestig op 6 November 1954. Vir bykans 65 jaar bedien hierdie gemeente reeds die gemeenskap van Krugersdorp met Woord en daad en het tans ’n lidmaattal van ongeveer 659 lede.
Die gemeente is gedurende hierdie tyd bedien deur verskeie predikante wat elkeen gehelp het om die gemeente op te bou tot die suksesvolle gemeente wat dit vandag is. Sedert 2015 word die gemeente voltyds bedien deur Ds. Marius Kramer. Die bediening is gerig aan elkeen wat bely dat Jesus Christus die gekruisigde en opgestane Heer is en die behoefte het om in ’n persoonlike intieme verhouding met God te leef, deur die werking van die Heilige Gees.
Die geloof in God Drie-Enig (Vader, Seun en Heilige Gees) staan sentraal en vanuit hierdie geloof vloei al ons bedieningsvelde in die gemeente. Ons glo dat elkeen deel is van die liggaam van Christus en daarom ’n belangrike rol en funksie binne hierdie liggaam vervul. Juis daarom is ons bedieningstyl nie hiërargies van aard waar die een belangriker of hoër geag word as die ander een nie, maar veel eerder organies van aard, waar elkeen sy taak moet verrig tot uitbouing van God se koninkryk op aarde. Die gemeente se missie kan saamgevat word met die woorde in KOL. 3:11(b) Hier is Christus alles en in almal.
Ons wil nie net soos ‘n kerk LYK NIE, ons wil veel eerder kerk in ’n gebroke wêreld WEES. Daarom is ons barmhartigheidswerk op verkillende terreine in ons omgewing van kardinale belang en ag ons dit as ons grootste prioriteit. Die opdrag was nie bloot om te sit en kerk te hou nie, die opdrag was duidelik “GAAN, maak mense, My dissipels!” Onsself kan dit nie beter stel as die woorde van Pauline Phillips nie “Die kerk is ’n hospitaal vir sondaars, nie ’n museum vir heiliges nie”.
Donec mattis tincidunt sodales integer efficitur nulla sit amet scelerisque vestibulum.
Vivamus vestibulum pharetra felis, vel bibendum tellus pretium ac. Sed gravida nec nisi ut dignissim.
“Hier is Christus alles en in almal”
Ons bou in mense se lewens deur die Woord van God. Deur dissipelskap en opleiding groei ons saam om soos Jesus te word.
Ons gemeenskap is vir ons belangrik. Deur uitreike en barmhartigheid leef ons die evangelie van Jesus.
Ons is ‘n geestelike huis vir jongmense en alle families!
Deur al ons eredienste streef ons na uitnemendheid. Deur aanbidding en die Woord is God alles waaroor dit gaan.
Gemeente Krugerdsorp-Oos besef dat die wêreld waarbinne ons leef ongelooflike druk op individue en gesinne plaas en dat dit ‘n reuse uitwerking op hulle daaglikste funksionering kan hê. Traumatiese gebeurtesnisse, gesinsgeweld, chemiese afhanklikheid, ernstige siekte en die dood is alles deel van die realiteit waarbinne ons leef. Om hierdie rede poog ons om mense optimaal by te staan, te begelei, maar ook te bemagtig om hierdie gebeurtenisse te kan hanteer en verwerk wanneer hulle daarmee gekonfronteer word. Ons predikant, ds. Marius Kramer het vir meer as 6 jaar intensiewe trauma berading gedoen by privaat hospitale in ons nabye omgewing en is daarom gereed om enige individu en familie deur ‘n krisis te begelei.
Ons predikant sowel as oudl. Johan Rossouw het onlangs as professionele Mediators in familiereg gekwalifiseer en is ook internasionaal geakkrediteer. Hulle is in staat om families deur die pynlike proses van egskeiding te begelei en spesialiseer in die mediasie van wetlike ooreenkomste, onderhoudsverpligtinge en konflikhantering. Hierdie dienste word teen bekostigbare tariewe gebied.
Fillipense 1:21 – WANT OM TE LEWE IS VIR MY CHRISTUS EN OM TE STERWE IS VIR MY WINS.
Enkele jare gelede het Gemeente Krugersdorp-Oos ‘n gedenkmuur opgerig waar die oorskot (as) van geliefdes gebêre word. Dit is ‘n veilige en rustige omgewing en baie toeganklik vir die familielede van die gestorwene. Aangesien begrafplase baie onveilig geword het en nie meer vir almal toeganklik is nie, lewer ons as Krugersdorp-Oos hierdie diens met die nodige waardigheid en respek. Dit is nie uitsluitlik tot die benutting van lidmate van die gemeente nie, maar enigeen wat die behoefte het om die oorskot van ‘n geliefde in ‘n goed versorgde omgewing te bewaar.
Die koster en die tuinier van die gemeente hou die gedenktuin in stand en verseker op hierdie manier dat dit altyd ‘n atmosfeer van kalmte en rustigheid skep.
Die holte in die muur word gekoop teen die volgende bedrae: Lidmate: R 1500
Nie-Lidmate: R 2000
Die steen wat opgerig word, word teen addisionele koste, deur ‘n privaat instansie vervaardig en opgerig. Skakel gerus ons sekretariëlebeampte vir meer inligting in hierdie verband.
Veilige, Toegeruste Lokale Te Huur Vir Funksies.
Die Gemeente Krugersdorp-Oos beskik oor ‘n ruim, netjiese saal wat beskikbaar is om te huur vir klein en intieme funksies van tussen 80 tot 100 mense. Die saal het ‘n klanksisteem en ‘n dataprojektor wat dit ideaal maak vir kursusse en aanbiedinge. Daar is ‘n toegeruste kombuis met die nodige breekgoed asook geskikte badkamergeriewe.
Die gemeente Krugersdorp-Oos verstaan dat vakansies soms lank kan raak en die jongspan gou verveeld word. Daarom het ons die eerste week van elke Julie vakansie ‘n Jeugweek. Ons hou die kinders besig met ‘n verskeidenheid aktiwiteite en ‘n pretbelaaide program. Dit bied ouers die geleentheid om hulle kinders met ‘n geruste hart in ‘n veilige omgewing te kom aflaai en te weet hulle word gevoed, versorg en op ‘n gesonde manier besig gehou.
Die datums vir ons volgende Jeugweek is geskeduleer vir 18-21 Junie 2019, maak asb seker jy bespreek jou plek vroegtydig.
26 Gerrit Maritz Ave, Monument, Krugersdorp, 1739